सुनसरी । हरिनगर गाउँपालिका, सुनसरीले २ महिने आधारभूत कुक तालिम सञ्चालन गर्ने भएको छ। उक्त तालिम सिप विकास तथा प्रविधि सहयोग कार्यक्रम अन्तर्गत सञ्चालन हुनेछ र तालिम प्राप्त गरेका व्यक्तिहरूलाई व्यावसायिक शिक्षा परिषद् तथा तालिम केन्द्र (CTEVTE) बाट सीप परीक्षणको व्यवस्था पनि गरिने छ।
तालिमले बैदेशिक रोजगारका लागि तयारी गर्ने र आफ्नै व्यवसाय सञ्चालन गर्न इच्छुक युवाहरूलाई लक्षित गरेको छ। इच्छुक व्यक्तिहरूलाई स्थानीय तहमार्फत आवेदन पेश गर्न आग्रह गरिएको छ। यसका लागि लघु, घरेलु र साना उद्योग प्रवर्द्धन तथा प्रविधी सहयोग कार्यक्रम सञ्चालन कार्यविधी, २०८१ को अनुसूची १ अनुसार आवेदन फारम भर्नु पर्नेछ।
आवेदन फारम संबंधित वडा कार्यालय वा गाउँपालिकाको कार्यालयमा पेश गर्न सकिनेछ। यस तालिमले स्थानीय समुदायका व्यक्तिहरूलाई नयाँ सीप र अवसर प्रदान गर्ने उद्देश्यले आयोजना गरिएको हो।
आवेदनको म्याद र थप जानकारीका लागि गाउँपालिकाको कार्यालयसँग सम्पर्क गर्न सकिन्छ
